Access to a variety of TS Inter 1st Year Telugu Model Papers and TS Inter 1st Year Telugu Question Paper March 2023 allows students to familiarize themselves with different question patterns.
TS Inter 1st Year Telugu Question Paper March 2023
- ప్రశ్నపత్రం ప్రకారం వరుసక్రమంలో సమాధానాలు రాయాలి.
- ఒక్క మార్కు ప్రశ్నల జవాబులను కేటాయించిన ప్రశ్న క్రింద వరుస క్రమంలో రాయాలి.
I. ఈ క్రింది పద్యాలలో ఒక దానికి పాదభంగం లేకుండా పూరించి, ఆ పద్యానికి భావం రాయండి. (1 × 6 = 6)
1) వేడుటెంతయు కష్టము ………. ద్రావుచునుండగన్
2) నీరముతప్తలోహమున ……….. గొల్చువారికిన్
II. ఈ క్రింది ప్రశ్నలలో ఒక ప్రశ్నకు 20 పంక్తులలో సమాధానం రాయండి. (1 × 6 = 6)
1) శ్రీకృష్ణుడు కుచేలుడిని ఎలా గౌరవించాడో వివరించండి.
2) ‘అచలం’ పాఠ్య సారాంశాన్ని వివరించండి.
III. ఈ క్రింది ప్రశ్నలలో ఒక ప్రశ్నకు 20 పంక్తులలో సమాధానం రాయండి. (1 × 6 = 6)
1) సోమన రచనలు తెలిపి, వాటిని సంక్షిప్తంగా వివరించండి.
2) ‘తెలంగాణా జాతీయాలు’ పాఠ్యాంశంలోని ఏవేని ఐదు జాతీయాలను సోదాహరణంగా వివరించండి.
IV. ఈ క్రింది ప్రశ్నలలో రెండు ప్రశ్నలకు 20 పంక్తులలో సమాధానాలు రాయండి. (2 × 4 = 8)
1) ‘గొల్ల రామవ్వ’ కథ ఇతివృత్తాన్ని పరిచయం చేయండి.
2) బిచ్చగాడు కుటుంబానికి ఎదురైన కష్టాలను వివరించండి.
3) స్నేహలతాదేవి ఎదుర్కొన్న సమస్యల్ని చర్చించండి.
4) ‘ఇన్సానియత్’ కథలోని సందేశాన్ని చర్చించండి.
V. ఈ క్రింది వానిలో రెండింటికీ సందర్భసహిత వ్యాఖ్యలు రాయండి. (2 × 3 = 6)
1) ఘర్షణలో ఏనాటికి హర్షం లభియింపబోదు
2) కీలువదిలిన బొమ్మవలెను నేలబడిపోతున్నది
3) రంగులు. వేరైనా నరజాతి సరంగు మానవత్వమే
4) అత్యుత్తమ ధనములు శస్త్రాస్త్రములు
VI. ఈ క్రింది వానిలో రెండింటికి సంక్షిప్త సమాధానాలు రాయండి. (2 × 3 = 6)
1) ‘మనుషులు’ ఎందుకు భ్రమల్లో మునుగుతున్నారు ?
2) కవిరాజమూర్తి దృక్పథాన్ని తెలుపండి.
3) ఎవరెవరి మధ్య సఖ్యత కుదరదని ద్రుపదుడు చెప్పాడు ?
4) శ్రీకృష్ణుడు కుచేలుడిని ఏవిధంగా ఆదరించాడు ?
VII. .ఈ క్రింది వానిలో రెండింటికి సంక్షిప్త సమాధానాలు రాయండి. (2 × 3 = 6)
1) “బట్ట కాల్చి మీద వేయుట” అంటే ఏమిటి ?
2) బొడ్డెమ్మ ఆట గురించి రాయండి.
3) రాజాబహద్దుర్ హరిజనులపట్ల దృష్టిని తెలుపండి.
4) ‘ఉర్దూవానా’ పదాన్ని వివరించండి.
VIII. ఈ క్రింది వానిలో రెండింటికి సంక్షిప్త సమాధానాలు రాయండి. (2 × 3 = 6)
(పాఠ్యాంశ కవులు/రచయితలు)
1) ఏనుగు లక్ష్మణకవిని గురించి తెలుపండి.
2) దాశరథి కవితాసంపుటాలను తెలియజేయండి ?
3) గడియారం రామకృష్ణశర్మ సాహిత్య సేవను తెలుపండి.
4) రావి ప్రేమలత రచనలను తెలుపండి.
IX. ఈ క్రింది వానిలో ఐదింటికి ఏకపద/వాక్య సమాధానం రాయండి. (పద్యభాగం నుండి) (2 × 3 = 6)
1) ‘మిత్రధర్మం’ ఏ గ్రంథం నుండి తీసుకోబడింది ?
2) నన్నయ ఎవరి ఆస్థానకవి ?
3) దివ్యమైన ధనం ఏది ?
4) కనురెప్పపాటులో పోయేది ఏమిటి ?
5) పువ్వులు పరిమళాల్ని ఎప్పుడు వ్యాపింపజేస్తాయి ?
6) కాలాన్ని కవి దేనితో పోల్చాడు ?
7) భాస్కర శతకకర్త ఎవరు ?
8) కవి కంటికి రుచించేదేమిటి?
X. ఈ క్రింది ప్రశ్నలలో ఐదింటికి ఏకపద/వాక్య సమాధానం రాయండి. (గద్య భాగం నుండి) (5 × 1 = 5)
1) ‘పాల్కురికి సోమనాథుడు’ పాఠ్యభాగ రచయిత ఎవరు ?
2) ‘స్త్రీల క్లబ్’ భవన నిర్మాణానికి ఎవరు ఆర్థికసహాయం చేసారు ?
3) సురవరం ప్రతాపరెడ్డి రాసిన గ్రంథం కేంద్ర సాహిత్యఅకాడమీ పురస్కారం పొందింది ?
4) బతుకమ్మ పండుగలో ఏ పూలకు అగ్రస్థానం ఇస్తారు ?
5) బొంబాయిలో మహిళా విద్యాపీఠం ఎవరు స్థాపించారు ?
6) ‘కులాసా’ తెలుగుపదానికి ఉర్దూరూపం ?
7) సంస్కృత సాహిత్యంలో ఆది కావ్యమేది ?
8) సామల సదాశివ రాసిన శతకం ?
XI. ఈ క్రింది వానిలో ఒక దానికి సమాధానం రాయండి. (1 × 5 = 5)
1) బదిలీ పత్రము ఇప్పించుట గురించి కళాశాల ప్రధానాచార్యుల వారికి లేఖ వ్రాయండి.
2) మీ కళాశాల నుండి వెళ్ళిన విహారయాత్ర గురించి తల్లిదండ్రులకు లేఖ వ్రాయండి.
XII. ఈ క్రింది పదాలలో నాల్గింటిని విడదీసి, సంధిపేరు, సూత్రం రాయండి. (4 × 3 = 12)
1) కురియకుండునే
2) జీవితాశ
3) పదాబ్జాతంబు
4) ముద్దుసేయగ
5) నిష్ఠురో
6) అత్యుత్తమ
7) మహైక
8) మూలమెరిగిన
XIII. క్రింది పదాలలో నాల్గింటికి విగ్రహవాక్యాలు రాసి సమాసాల పేర్లు రాయండి. (4 × 2 = 8)
1) ద్వారకానగరంబు
2) రాజీవనేత్రుడు
3) అజ్ఞానం
4) సప్తరంగులు
5) పుత్రలాభం
6) గురువచనం
7) శబ్దధాటి
8) ఎర్రజెండ
XIV. ఈ క్రింది ప్రశ్నలలో ఒకదానిని గురించి వ్యాసం రాయండి.
1) జాతీయ విపత్తులు
2) యువతపై సామాజిక మాధ్యమాల ప్రభావం
3) యువత – జీవన నైపుణ్యాలు
XV. ఈ క్రింది ఆంగ్ల వాక్యాలను తెలుగులోనికి అనువదించండి.
1) Maturity comes with experience not age.
2) There is plenty of water in that region.
3) Imagination rules the world.
4) Ours is a joint family.
5) What time is our meeting on Wednesday ?
XVI. .ఈ క్రింది వ్యాసాన్ని చదివి ఇచ్చిన ప్రశ్నలకు సమాధానాలు రాయండి. (5 × 1 = 5)
ఆధునిక వచన సాహిత్యంలో కథానిక ప్రక్రియ ప్రత్యేక స్థానాన్ని పొందింది. ప్రాచీన సాహిత్యంలో వినిపించే కథలు నేటి కథానిక సాహిత్య పరిధిలోకి రావు. కథానిక ఆంగ్ల సాహిత్య ప్రభావంతో ఆధునిక లక్షణాలతో విభిన్న ప్రయోగధోరణులతో వర్తమాన పరిణామానికి అనుగుణంగా నడుస్తుంది. ఆంగ్లంలో ‘short story’ అనే పదానికి సమానార్థకంగా తెలుగులో కథ, కథానిక అనే పర్యాయపదాలను వాడుతున్నాం.
ఈ కథానిక పదం ‘కథ్’ ధాతువునుంచి పుట్టింది. దీనికి మాట్లాడుట, చెప్పుట, సంభాషించుట అనే భేదాలున్నాయి. కథానిక ప్రస్తావన ‘అగ్నిపురాణం’లో కనిపిస్తుంది. కథానిక సుదీర్ఘంగాగాక క్లుప్తతతో బిగువైన కథనంతో ఉదాత్త అంశాలతో భయాన్ని, ఆశ్చర్యాన్ని కలిగిస్తూ కరుణ, అద్భుత రసపోషణతో ఆనందాన్ని అందించడం కథానిక లక్షణంగా చెప్పబడింది.
ఆధునిక కాలానికి చెందిన కథారచన యూరోపియన్ సామాజిక, రాజకీయ పరాణామాల ప్రభావంతో ఆవిర్భవించింది. తొలి కథా రచయితగా భావించబడుతున్న ‘ఎడ్గార్ ఎలాన్పో “ఒక సంఘటనను అది యథార్థమైనా, కల్పనాత్మకమైనా తక్కువ సమయంలో చదువగలిగే సాహిత్య ప్రక్రియ” కథానిక అని నిర్వచించాడు.
తెలుగు కథానికపై తొలి సిద్ధాంతగ్రంథం రచించిన డా॥ పోరంకి దక్షిణామూర్తి కథానికను నిర్వచిస్తూ “ఏకాంశవ్యగ్రమై, స్వయం సమగ్రమైన కథాత్మక వచన రచనా ప్రక్రియ” అని తన ‘తెలుగు కథానిక స్వరూప స్వభావం’లో వివరించాడు. కథానిక నిర్వచనాల న్నింటిని క్రోడీకరిస్తే సంక్షిప్త, ఏకాంశవస్తువు, అనుభూతి ఐక్యత, సంఘర్షణ, ప్రతిపాదన ప్రవీణత, సంవాద చాతుర్యం, నిర్మాణ సౌష్ఠవాలు కథానికకు ప్రధాన లక్షణాలుగా స్థిరపడ్డాయి. సామాజిక వాస్తవికతను అందిస్తూ మనోవికాసాన్ని కలిగించడంలో కథానిక ప్రక్రియ శక్తివంతమైనదిగా విమర్శకులు పరిగణించారు.
ప్రశ్నలు :
1. ‘కథానిక’ పదం ఎలా పుట్టింది ?
2. ‘కథానిక’ ప్రస్తావన ఏ పురాణంలో ఉంది ?
3. తొలి కథారచయితగా ఎవరిని భావిస్తున్నాం ?
4. కథానిక ప్రక్రియ ఏ కాలానికి సంబంధించినది ?
5. తెలుగు కథానికపై తొలి సిద్ధాంత గ్రంథం రచించినదెవరు ?