Students can go through AP Inter 1st Year Zoology Notes 8th Lesson జీవావరణం – పర్యావరణం will help students in revising the entire concepts quickly.
AP Inter 1st Year Zoology Notes 8th Lesson జీవావరణం – పర్యావరణం
→ పర్యావరణం అనునది పరిణామక్రమానికి మరియు జీవ అనుక్రమానికి ప్రధాన కారకం. ‘జీవావరణం’ అనగా జీవులకు, పరిసరాలకు మధ్య గల సంబంధాన్ని తెలియజేయు శాస్త్రం.
→ శక్తి లేకుండా జీవులు మనుగడ సాగించలేవు.
→ ప్రత్యక్షంగా గాని లేదా పరోక్షంగా గాని ‘సౌరశక్తి’ అన్ని జీవులకు ప్రధాన మూలాధారవనరు.
→ పరిణామ క్రమంలో ‘పత్రహరితం ద్వారా గ్రహించుట మరియు నిల్వచేసుకోవటం’ అనేది ఒక ప్రధాన సోపానం.
→ వాతావరణ బాహ్య పొరలలో ఉండే ఓజోన్ ఎంతో ఉపయుక్తమైనది. ఇది సూర్యుడు నుంచి వచ్చే UV కిరణాల నుంచి జీవులను కాపాడుతుంది.
→ కాలుష్యకాలు భూమి ప్రారంభం నుంచి వున్నవి, కాని అవి ‘కాలుష్యకాలు కానివాటి’తో సమతుల్యం చేయబడినవి.
→ ప్రస్తుతం మానవుడే కాలుష్యకాల అసమతుల్యతకు ప్రధాన బాధ్యుడు అవుతున్నాడు. సరైన నివారణ చర్యలను చేపట్టకపోతే తన నాశనానికి తనే బాధ్యుడవుతాడు.
→ UV కిరణాలు సూక్షజీవులను నశింపచేస్తాయి. UV కిరణాలు చర్మంనందుకల స్టిరాల్స్ ను విటమిన్ D గా మారుస్తాయి. [IPE]
→ ‘అన్యోన్యాశ్రయ సహజీవనం’ రెండు భిన్నజాతుల మధ్య సహజీవనం. దీని యందు రెండు జాతులు లాభపడతాయి. ఉదా: తేనేటీగలు మరియు పుష్పించే మొక్కలు [IPE]
→ గ్రీష్మస్తరీభవనం: వేసవికాలం నందు సమశీతోష్ణ సరస్సులలో నీరు మూడు పొరలుగా ఏర్పడుటను గ్రీష్మస్తరీ భవనం అంటారు. [IPE]
→ DFC అనునది డెట్రిటస్ ఆహారపు గొలుసు. డెట్రైటస్ కుళ్ళిన ఆకులు, మృత కళేబరాలు మరియు జంతువుల విసర్జితాల ద్వారా ఏర్పడుతుంది. [IPE]
→ హరిత గృహ ప్రభావం:భూ ఉపరితలాన్ని మరియు వాతావరణాన్ని వేడేక్కించటంలో ప్రకృతి పరంగా సంభవించే దృగ్విషయమే ‘హరిత గృహ ప్రభావం’. [IPE]
→ భూతాపం: వాతావరణంలో సాధారణ స్థాయి కంటే అధికంగా ఉష్ణోగ్రత స్థాయి ఉండటాన్ని ‘భూతాపం’ [IPE] అంటారు.ఇది హరిత గృహ ప్రభావం నుంచి విడుదలయ్యే వాయువుల వలన సంభవిస్తుంది.
→ సరస్సు జీవావరణవ్యవస్థ మండలాలు: [IPE]
- వేలాంచల మండలం
- లిమ్నెటిక్ మండలం
- ప్రొఫండల్ మండలం
→ ఆవరణవ్యవస్థ యొక్క ఆహరపు గొలుసు: [IPE]
- మేసే జీవుల ఆహార గొలుసు
- పరాన్న జీవుల ఆహార గొలుసు
- డెట్రైటస్ ఆహార గొలుసు
→ ప్రధాన వాయు కాలుష్యకాలు: [IPE]
- కార్బన్మెనాక్సైడ్
- కార్బన్ డై ఆక్సైడ్
- సల్ఫర్ డై ఆక్సైడ్
- నైట్రోజన్ ఆక్సైడ్
- రేణురూప పదార్థాలు
- శబ్ద కాలుష్యం