AP 6th Class Science Important Questions Chapter 8 దుస్తులు ఎలా తయారవుతాయి

These AP 6th Class Science Important Questions 8th Lesson దుస్తులు ఎలా తయారవుతాయి will help students prepare well for the exams.

AP Board 6th Class Science 8th Lesson Important Questions and Answers దుస్తులు ఎలా తయారవుతాయి

6th Class Science 8th Lesson 2 Marks Important Questions and Answers

ప్రశ్న 1.
సహజ దారాలు అంటే ఏమిటి? ఉదాహరణ ఇవ్వండి.
జవాబు:
మొక్కలు మరియు జంతువుల నుండి ఉత్పన్నమయ్యే దారాలను సహజ దారాలు అంటారు.
ఉదా: పత్తి, ఉన్ని, పట్టు, జనపనార, కొబ్బరి.

ప్రశ్న 2.
కృత్రిమ దారాలు అంటే ఏమిటి? ఉదాహరణలు ఇవ్వండి.
జవాబు:
రసాయనాల నుండి ఉత్పన్నమయ్యే దారాలు కృత్రిమ దారాలు లేదా సింథటిక్ దారాలు.
ఉదా : పాలిస్టర్, పాలిథీన్, నైలాన్, రేయాన్.

ప్రశ్న 3.
దారపు పోగు అంటే ఏమిటి?
జవాబు:
దారంలోని సన్నటి నిర్మాణాలను దారపు పోగు అంటారు.

ప్రశ్న 4.
నేత అంటే ఏమిటి?
జవాబు:
దారం నుండి బట్టల తయారీని నేయడం అంటారు.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 5.
మీరు దుస్తుల నుండి ముడుతలను ఎలా తొలగించగలరు?
జవాబు:
ఇస్త్రీని ఉపయోగించడం ద్వారా దుస్తుల నుండి ముడుతలను తొలగించవచ్చు.

ప్రశ్న 6.
బట్టలు మనకు ఎలా ఉపయోగపడతాయి?
జవాబు:
వివిధ వాతావరణ పరిస్థితుల నుండి మనలను రక్షించుకోవడానికి కవచంగా బట్టలు ఉపయోగపడతాయి. వస్త్రాలు రక్షణతో పాటు అందం మరియు సంస్కృతి చిహ్నంగా కూడా ఉంటాయి.

ప్రశ్న 7.
బ్యానర్లు మరియు బుక్ బైండింగ్ తయారీలో ఏ దుస్తులు ఉపయోగించబడతాయి?
జవాబు:
కాలికో అనేవి బ్యానర్లు మరియు పుస్తక బైండింగ్ తయారీకి ఉపయోగించే ఒక రకమైన దుస్తులు.

ప్రశ్న 8.
ఏ నారను బంగారు దారాలు అంటారు?
జవాబు:
జనపనార (జ్యూట్)

ప్రశ్న 9.
భారతదేశంలో జనపనార ఉత్పత్తి చేసే రాష్ట్రం ఏది?
జవాబు:
పశ్చిమ బెంగాల్

ప్రశ్న 10.
పాలిథీన్ సంచులకు బదులుగా గుడ్డ సంచులను ఎందుకు ఉపయోగించాలి?
జవాబు:
మన పర్యావరణాన్ని పరిరక్షించడానికి మనం పాలిథీన్ సంచులకు బదులుగా గుడ్డ సంచులను ఉపయోగించాలి.

ప్రశ్న 11.
తక్కువ సమయంలో ఏరకమైన బట్టలు పొడిగా అవుతాయి?
జవాబు:
కృత్రిమ బట్టలు తక్కువ సమయంలో పొడిగా అవుతాయి.

ప్రశ్న 12.
పత్తికాయల నుండి విత్తనాలు ఎందుకు తొలగిస్తారు?
జవాబు:
పత్తికాయల నుండి పత్తి విత్తనాలు తీసివేసి, సమానంగా మరియు ఏకరీతిగా ఉండే దారాలు తయారు చేస్తారు.

ప్రశ్న 13.
దారం తయారీకి మనం దారపు పోగులను ఎందుకు మెలివేస్తాము?
జవాబు:
దారపు పోగులు చాలా సన్నగా మరియు బలహీనంగా ఉంటాయి. వాటిని గట్టిగా, మందంగా మరియు పొడవుగా ఉండేలా మనం వాటిని కలిపి మెలితిప్పుతాము.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 14.
గోనె సంచులను తయారుచేయడానికి ఏ పదార్థం ఉపయోగించబడుతుంది. ఎందుకు?
జవాబు:
గోనె సంచులను తయారుచేయడానికి జనపనార దారాలు ఉపయోగిస్తారు. ఎందుకంటే అవి బలంగా ఉంటాయి మరియు అధిక భారాన్ని భరిస్తాయి.

ప్రశ్న 15.
మగ్గాల రకాలు తెలపండి.
జవాబు:
మగ్గాలు రెండు రకాలు. అవి చేనేత మగ్గాలు, మర మగ్గాలు.

ప్రశ్న 16.
వడకటం కోసం ఉపయోగించే రెండు సాధారణ పరికరాల పేర్లు చెప్పండి.
జవాబు:
వడకటం కోసం ఉపయోగించే రెండు సాధారణ పరికరాలు తకిలి మరియు చరఖా.

ప్రశ్న 17.
స్వాతంత్ర్య ఉద్యమ సమయంలో చరఖాను ప్రాచుర్యంలోకి తెచ్చిన వ్యక్తి ఎవరు?
జవాబు:
మహాత్మా గాంధీ

ప్రశ్న 18.
భారతదేశంలో కొబ్బరి పరిశ్రమ బాగా అభివృద్ధి చెందిన రాష్ట్రాలు ఏవి?
జవాబు:
కొబ్బరి పరిశ్రమ ప్రధానంగా కేరళ, తమిళనాడు, కర్ణాటక, ఆంధ్రప్రదేశ్, ఒడిశా రాష్ట్రాల్లో ఉంది.

ప్రశ్న 19.
కలంకారి వస్త్ర పరిశ్రమకు ప్రసిద్ధి చెందిన ప్రాంతం ఏది?
జవాబు:
మచిలీపట్నం మరియు పెడన కలంకారి వస్త్రాలకు ప్రసిద్ది.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 20.
కార్పెట్ పరిశ్రమకు ప్రసిద్ధి చెందిన నగరం ఏది?
జవాబు:
మచిలీపట్నం

6th Class Science 8th Lesson 4 Marks Important Questions and Answers

ప్రశ్న 1.
మీదుస్తులను కొనుగోలు చేసేటప్పుడు షాప్ కీపర్ల నుండి మీరు ఏ సందేహాలను నివృత్తి చేయాలనుకుంటున్నారు?
జవాబు:
ప్రశ్నలు :

  1. ఈ దుస్తులకు ఏ రకమైన వాషింగ్ అవసరం?
  2. ఇది శరీరం యొక్క చెమటను గ్రహిస్తుందా?
  3. వస్త్రం శరీరానికి బాగా గాలి ప్రవాహాన్ని అందిస్తుందా?
  4. వస్త్రం ఎక్కువ కాలం పాటు మన్నికగా ఉంటుందా?

ప్రశ్న 2.
వివిధ రకాల బట్టలు ఎలా ఉపయోగపడతాయి?
జవాబు:
మన అవసరము మరియు ప్రయోజనాలు మనం ధరించాల్సిన దుస్తులను నిర్ణయిస్తాయి. వేసవిలో చెమటను పీల్చటానికి నూలు దుస్తులు బాగా సరిపడతాయి. చలికాలంలో ఉన్ని బట్టలు వెచ్చదనాన్ని ఇస్తాయి. వర్షాకాలంలో నీటిని పీల్చని క్యాన్వాయ్ దుస్తులు ఉపయోగపడతాయి. ముతక బట్టలను మ్యాపింగ్ చేయడానికి మరియు గోనె సంచులను తయారు చేయడానికి ఉపయోగించవచ్చు కాని బట్టలు తయారు చేయడానికి కాదు. కర్టెన్ బట్టలు తయారీలో దృఢమైన సిల్క్ దారాలు వాడతారు. బ్యానర్లు మరియు బుక్ బైండింగ్ తయారీకి కాలికో దుస్తులు ఉపయోగిస్తారు.

ప్రశ్న 3.
మన రాష్ట్రంలో చేనేత పరిశ్రమ ఎక్కడ బాగా అభివృద్ధి చెందింది?
జవాబు:
చేనేత పరిశ్రమ మన రాష్ట్రంలో బాగా అభివృద్ధి చెందింది. వెంకటగిరి, నారాయణపేట, ‘ధర్మవరం, మంగళగిరి, కొత్త కోట వంటి ప్రదేశాలు చేనేత పరిశ్రమలకు ప్రసిద్ధి చెందాయి. పెడన మరియు మచిలీపట్నం కలంకారి పరిశ్రమకు ప్రసిద్ధి. మచిలీపట్నం కార్పెట్ పరిశ్రమకు కూడా ప్రసిద్ది చెందింది.

ప్రశ్న 4.
బాల కార్మికులు ఎక్కడ పని చేస్తున్నారు? వారిని ఎందుకు పనిలో పెట్టారు? బాల కార్మిక వ్యవస్థను ఎలా నిర్మూలించవచ్చు?
జవాబు:
పత్తి విస్తృతంగా పండించే వ్యవసాయ పనులలో బాల కార్మికులు పనిచేస్తున్నారు. పత్తి మొక్కల నుండి పరిపక్వమైన పత్తి కాయలను తీయడం కోసం పిల్లలని బాలకార్మికులుగా వాడుతున్నారు. కొంతమంది తల్లిదండ్రులు తమ పిల్లల ద్వారా అదనపు ఆదాయాన్ని పొందటానికి వారిని బాల కార్మికులుగా ఉంచుతున్నారు. కొన్ని సంస్థలు బాల కార్మికులకు వ్యతిరేకంగా పనిచేస్తున్నాయి మరియు వారిని తిరిగి పాఠశాలలకు పంపుతున్నాయి. వీరి తల్లిదండ్రులకు ఆర్థిక వెసులుబాటు కల్పించి, పిల్లలను బడికి పంపటం ద్వారా బాల కార్మిక వ్యవస్థను నిర్మూలించవచ్చు.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 5.
కొబ్బరిపీచు యొక్క ఉపయోగాలు ఏమిటి?
జవాబు:
కొబ్బరిపీచు పరిశ్రమ భారతదేశంలోని గ్రామీణ పరిశ్రమలలో ఒకటి. కొబ్బరి పీచు ఇప్పటికీ వ్యవసాయ మరియు దేశీయ ప్రయోజనాల కోసం ఉపయోగించబడుతుంది. దీనిని నేలకోత నియంత్రణలో వాడవచ్చు. గోధుమ రంగు కొబ్బరి పీచును బ్రష్ లు, డోర్ మాట్లు, దుప్పట్లు మరియు బస్తాల తయారీకి ఉపయోగిస్తారు.

ప్రశ్న 6.
అన్ని అవసరాలకు ఒకే రకమైన దుస్తులు వాడవచ్చా?
జవాబు:
లేదు. మనం నివసించే ప్రాంతం బట్టి, ఋతువులు బట్టి మన అవసరాలకు అనువైన బట్టలు వాడవలసి ఉంటుంది. జనపనార గట్టిగా ఉన్నప్పటికి సంచుల తయారీకి వాడతాము కానీ దుస్తుల తయారీకి కాదు. ఇంట్లో కరెనకు, డోర్యా లకు, టేబుల్ క్లాత్ కు వేరు వేరు దుస్తులు వాడవలసి ఉంటుంది. శీతాకాలంలో ఉన్ని దుస్తులను, వేసవికాలంలో నూలు దుస్తులు వాడటం వలన మనకు కూడా సౌకర్యంగా ఉంటుంది.

ప్రశ్న 7.
ప్రాచీన కాలంలో మానవులు ఉపయోగించే వివిధ బట్టలు ఏమిటి?
జవాబు:
పురాతన కాలంలో మానవుడు జంతువుల చర్మాలను మరియు మొక్కల ఆకులను, చెట్ల బెరడులను బట్టలుగా ఉపయోగించారు. యుద్దాల సమయంలో ధరించే లోహపు జాకెట్ తయారీకి లోహాలు వాడేవారు. చారిత్రక సంగ్రహాలయాలలో మరియు టెలివిజన్ షోలలో ఇలాంటి వస్త్రాలను మీరు చూడవచ్చు.

ప్రశ్న 8.
గన్నీ సంచుల ఉపయోగాలు ఏమిటి?
జవాబు:
వరి, మిరప వంటి వాణిజ్య పంటలు గోనె సంచులలో నింపుతారు. ఈ సంచులు ముతక జనపనార బట్టతో తయారవుతాయి. ఈ సంచులు ఎక్కువ పదార్థాలను తీసుకెళ్లడానికి అనుకూలంగా ఉంటాయి. ఇవి దృఢంగా ఉండి అధిక మన్నిక కల్గి ఉండుట వలన పంట నిల్వలో బాగా వాడతాము.

ప్రశ్న 9.
మీరు పత్తి కాయ నుండి బలమైన దారంను ఎలా తయారు చేస్తారు? మీరు చేసే కృత్యంను వివరించండి.
జవాబు:
పత్తి నుండి మనం తయారుచేసే దారం చేయడానికి ఉపయోగపడేంత బలంగా ఉండదు. పత్తి పోగుల నుండి బలమైన దారం పొందడానికి, పాత రోజుల నుండి స్పిన్నింగ్ లేదా వడకటం కోసం తకిలి అనే పరికరం ఉపయోగించబడింది. చరఖాను దారం తయారీకి ఉపయోగించారు. దారపు పోగు నుండి దారం తయారీ ప్రక్రియను స్పిన్నింగ్ అంటారు. ఇలా వడికిన దారాన్ని రసాయనాలతో చర్యనొందించటం వలన దారం గట్టి తనం పెరుగుతుంది.
AP 6th Class Science Important Questions Chapter 8 దుస్తులు ఎలా తయారవుతాయి 1

ప్రశ్న 10.
దుస్తులు ఎలా తయారు చేస్తారు?
జవాబు:
పోగుల నుండి తయారుచేసిన దారం దుస్తులు తయారీకి ఉపయోగిస్తారు. దుస్తులు నేయడానికి ఒక మగ్గంలో నిలువు మరియు క్షితిజ సమాంతర వరుసలలో దారం అమర్చి నేత నేస్తారు. నేతకు యంత్రాలను ఉపయోగించడం ద్వారా పెద్ద ఎత్తున దుస్తుల తయారీ జరుగుతుంది. దారాల నుండి దుస్తులు తయారు చేయడాన్ని నేయడం అంటారు. నేతకు చేతి మగ్గాలూ లేదా యంత్రాలను వాడతారు.
AP 6th Class Science Important Questions Chapter 8 దుస్తులు ఎలా తయారవుతాయి 2

ప్రశ్న 11.
నూలు దారంను ఎలా తయారు చేస్తారు?
జవాబు:
పత్తిని సాధారణంగా చేతులతో తీస్తారు. తరువాత పత్తిని విత్తనాల నుండి వేరు చేస్తారు. ఈ ప్రక్రియను “జిన్నింగ్” అంటారు. జిన్నింగ్ వలన పత్తి, విత్తనాలు వేరయి పత్తి పోగులు లభిస్తాయి. ఈ పత్తి పోగులను శుభ్రంగా కడిగి, దువ్వటం జరుగుతుంది. దువ్విన తరువాత వడికి పత్తి దారం తయారు చేస్తారు.

ప్రశ్న 12.
జనపనార దారంను ఎలా పొందుతారు?
జవాబు:
జనపనార, జనుము మొక్క యొక్క కాండం నుండి లభిస్తుంది. జనుము మొక్క కాండం కత్తిరించి కొన్ని రోజులు నీటిలో నానబెడతారు. కాండం నీటిలో నానబెట్టినప్పుడు అది కుళ్ళిపోతుంది మరియు పై బెరడు వదులు అవుతుంది. అప్పుడు నారను కాండం నుండి వేరు చేస్తారు.

ప్రశ్న 13.
మనం జనపనార దారంను ఎక్కడ ఉపయోగిస్తాము?
జవాబు:
వరి, మిరపకాయ మరియు ఇతర వాణిజ్య పంటలను గోనె సంచులలో ప్యాక్ చేస్తారు. ఈ రకమైన అన్ని సంచులు ముతక జనపనార బట్టతో తయారు చేయబడతాయి. ఈ సంచులు. భారీ పదార్థాలను తీసుకెళ్లడానికి అనుకూలంగా ఉంటాయి. జనపనార మొక్క యొక్క కాండం నుండి జనపనార లభిస్తుంది.

ప్రశ్న 14.
మన రాష్ట్రంలో చేనేత పరిశ్రమ ఎక్కడ ఉంది?
జవాబు:
చేనేత పరిశ్రమ మన రాష్ట్రంలో బాగా అభివృద్ధి చెందింది. ఉప్పాడ, వెంకటగిరి, ధర్మవరం, పొందూరు, చీరాల, మంగళగిరి వంటి ప్రదేశాలు చేనేత పరిశ్రమకు ప్రసిద్ధి చెందాయి. కలంకారి అనేది వస్త్రాలపై చేతితో ముద్రించే అద్దకపు కళ. మచిలీపట్నం, పెడన కలంకారికి ప్రసిద్ధి. మచిలీపట్నం కార్పెట్ పరిశ్రమకు కూడా ప్రసిద్ది చెందింది.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 15.
కొబ్బరి పరిశ్రమ గురించి రాయండి.
జవాబు:
కొబ్బరి పీచు పరిశ్రమ భారతదేశంలోని గ్రామీణ పరిశ్రమలలో ఒకటి. ఇది ప్రధానంగా కేరళ, తమిళనాడు, కర్ణాటక, ఆంధ్రప్రదేశ్, ఒడిశా వంటి రాష్ట్రాల్లో ఉంది. ఇది గ్రామీణ ప్రాంతాల్లోని సుమారు 5 లక్షల మంది చేతివృత్తులవారికి ఆదాయ వనరులను అందిస్తుంది. కొబ్బరి పీచు పరిశ్రమలో, శ్రామిక శక్తిలో 80% మహిళలు ఉన్నారు.

ప్రశ్న 16.
కొబ్బరి ఉత్పత్తుల గురించి ఫ్లో చార్ట్ రాయండి.
జవాబు:
AP 6th Class Science Important Questions Chapter 8 దుస్తులు ఎలా తయారవుతాయి 3

ప్రశ్న 17.
కొబ్బరి పీచు ఉపయోగాలు తెలపండి.
జవాబు:
పురాతన కాలం నుండి కొబ్బరి నారను వివిధ పరిశ్రమలలో ఉపయోగిస్తున్నారు. దీనిని ఇప్పటికీ వ్యవసాయ మరియు దేశీయ ప్రయోజనాల కోసం వాడుతున్నాము. దీనిని కొండచరియలు లేదా నేల కోతను నియంత్రించడానికి . ఉపయోగిస్తారు. కొబ్బరి నారను పుట్టగొడుగులను పెంచడానికి ఒక ఉపరితలంగా కూడా ఉపయోగిస్తారు. గోధుమరంగు కొబ్బరి నారను బ్రషన్లు, డోర్మాట్లు, దుప్పట్లు మరియు బస్తాల తయారీకి ఉపయోగిస్తారు.

ప్రశ్న 18.
దారాలలోని రకాలు ఏమిటి?
జవాబు:
పత్తి, జనపనార వంటి కొన్ని బట్టల దారాలు మొక్కల నుండి పొందబడతాయి. పట్టు మరియు ఉన్ని జంతువుల నుండి పొందబడతాయి. మొక్కలు మరియు జంతువుల నుండి పొందిన దారాలు సహజ దారాలు. ఈ రోజుల్లో, బట్టలు పాలిస్టర్, టెరిలీన్, నైలాన్, యాక్రిలిక్ వంటి రసాయనికంగా అభివృద్ధి చెందిన దారంతో కూడా తయారవుతున్నాయి. వీటిని కృత్రిమ దారాలు అంటారు.

AP 6th Class Science Important Questions Chapter 8 దుస్తులు ఎలా తయారవుతాయి

ప్రశ్న 19.
ప్లాస్టిక్ సంచులకు బదులుగా గుడ్డ సంచులను ఎందుకు ఉపయోగించాలి?
జవాబు:
మనమందరం వివిధ ప్రయోజనాల కోసం పాలిథీన్ సంచులను ఉపయోగిస్తాము. పాలిథీన్ కుళ్ళిపోవడం చాలా కష్టం. ఇది భూమిలో కలవటానికి లక్షల యేళ్ళు పడుతుంది. మన పర్యావరణాన్ని పరిరక్షించడానికి పాలిథీన్ సంచులకు బదులుగా గుడ్డ సంచులను వాడాలి.

6th Class Science 8th Lesson 8 Marks Important Questions and Answers

ప్రశ్న 1.
పత్తి దారాలు ఎలా తయారు చేస్తారు?
జవాబు:
ఇల్లు లేదా పత్తి పొలాల దగ్గర నుండి కొన్ని పత్తి కాయలను సేకరించండి. పత్తి నుండి విత్తనాలను తొలగించి, పత్తిని వేరు చేయండి. ఒక చిన్న పత్తి ముక్క తీసుకొని సూక్ష్మదర్శిని క్రింద గమనించండి. పోగులు అని పిలువబడే చిన్న చిన్న వెంట్రుకల నిర్మాణాలను మనం గమనిస్తాము. పత్తి నుండి విత్తనాలను తొలగించడం జిన్నింగ్ అంటారు. ఈ దారపు పోగులు, కడగటం మరియ దువ్వటం వలన శుభ్రం చేయబడతాయి. ఈ దారపు పోగులను మెలితిప్పి దారం తయారు చేస్తారు. ఇప్పుడు ఈ దారాలకు రంగులు వేసి రసాయనాలతో పూత పూస్తారు. అందువల్ల దారాలు బట్టలు తయారుచేసేంత బలంగా తయారవుతాయి.
AP Board 6th Class Science Solutions Chapter 8 దుస్తులు ఎలా తయారవుతాయి 2AP 6th Class Science Important Questions Chapter 8 దుస్తులు ఎలా తయారవుతాయి 1

ప్రశ్న 2.
వస్త్రాలలోని దారాలను ఎలా గుర్తించాలి? ఆ విధానాన్ని వివరించండి.
జవాబు:
ఏదైనా ఒక గుడ్డ ముక్కను తీసుకోండి. భూతద్దము సహాయంతో గుడ్డను పరిశీలించండి. దాని నుండి దారాన్ని ఒక్కొక్కటిగా లాగండి. ఒక దారం తీసుకొని, దాని చివరను నలిపి, భూతద్దం ద్వారా గమనించండి. దారపు పోగులు అని పిలువబడే చిన్న చిన్న పొడవైన నిర్మాణాలను మనం గమనించవచ్చు. ఈ దారపు పోగులు అన్నీ కలిసి దారంను ఏర్పరుస్తాయి. ఈ దారంను చేతి మగ్గాలు లేదా మర మగ్గాల మీద అల్లటం ద్వారా నేత కార్మికులు నూలు బట్టలు తయారు చేస్తున్నారు.

ప్రశ్న 3.
దుస్తుల ఎంపికలో ఉన్న అంశాలు ఏమిటి?
జవాబు:
బట్టలు వేర్వేరు వాతావరణ పరిస్థితుల నుండి మనలను రక్షిస్తాయి. వస్త్రాలు రక్షణతో పాటు అందం మరియు హోదాకు చిహ్నంగా కూడా ఉంటాయి. దుస్తుల ఎంపిక వ్యక్తికి, వ్యక్తికి మారవచ్చు. కొందరు కాంతి, సన్నని, మెరిసే బట్టలతో చేసిన బట్టలు ధరించడానికి ఇష్టపడవచ్చు. మరొక వ్యక్తి ప్రకాశవంతమైన రంగు మరియు నూలు బట్టతో చేసిన బట్టలు ధరించడానికి ఇష్టపడవచ్చు. ఋతువులను బట్టి ధరించే దుస్తులు భిన్నంగా ఉండవచ్చు. దుస్తుల ఎంపికలో వ్యక్తిగత ఆసక్తి , యజమాని యొక్క వ్యక్తిత్వం మరియు దుస్తుల ఖర్చు వంటివి ముఖ్యమైన అంశాలు.

ప్రశ్న 4.
కొబ్బరి ఆకులతో మీరు చాపను ఎలా తయారు చేస్తారు?
జవాబు:
కొబ్బరి ఆకులు లేదా రెండు రంగు కాగితపు కుట్లు తీసుకోండి. ఆకు రెండు భాగాలను పొందడానికి ఆకు మధ్య ఈనెను కత్తిరించి తొలగించండి. ఇప్పుడు ఈ ఆకులను ఒకదానికొకటి సమాంతరంగా ఉంచండి. మరో ఆకును . తీసుకొని పేర్చిన ఆకులు ఒకసారి కిందకు ఒకసారి . పైకి వచ్చే విధంగా అమర్చండి. చివరగా మీకు చదునైన చాప తయారు అవుతుంది. ఇదే చాపను తయారుచేసే మార్గం.

ప్రశ్న 5.
గోనె సంచి దారంలో మీరు ఏమి గమనిస్తారు? జనపనార దారంను ఇతర దారంతో పోల్చండి.
జవాబు:
గోనె సంచుల నుండి దారం తీసివేసి, భూతద్దం క్రింద గమనించండి. దారంలో సన్నని తంతువులను చూస్తాము. వీటిని మనం పత్తి దారాలతో సరిపోల్చవచ్చు. గోంగూర మరియు వెదురు నుండి కూడా దారాలు తయారవుతాయి. జనపనార కూడా మొక్కల దారాలు. వీటిని బట్టలు తయారు చేయడానికి ఉపయోగిస్తారు, కాని పత్తితో పోలిస్తే తక్కువ. పత్తిలాగే జనుము దారాలు నేయటానికి ఉపయోగపడతాయి. జనుము దారాలను “బంగారు దారాలు” అని కూడా అంటారు. జనపనార బట్టలు నూలు దుస్తులు వలె ఉండవు, ఇవి గట్టిగా మరియు గరుకుగా ఉంటాయి.

ప్రశ్న 6.
ప్రజలు మారుతున్న ఋతువులు ప్రకారం దుస్తులు ధరిస్తారు. మారుతున్న ఋతువులకు భూమి పరిభ్రమణం కారణం. ఋతువులు, దుస్తులకు సంబంధించిన కింది పట్టికను పూర్తి చేయండి.
AP 6th Class Science Important Questions Chapter 8 దుస్తులు ఎలా తయారవుతాయి 4
జవాబు:
AP 6th Class Science Important Questions Chapter 8 దుస్తులు ఎలా తయారవుతాయి 5

AP Board 6th Class Science 8th Lesson 1 Mark Bits Questions and Answers దుస్తులు ఎలా తయారవుతాయి

I. బహుళైచ్ఛిక ప్రశ్నలు

కింది వాటికి సరియైన జవాబులు గుర్తించండి.

1. మొక్కలు మరియు జంతువుల నుండి పొందిన దారాలను ………. దారాలు అంటారు.
A) కృత్రిమ
B) సింథటిక్
C) సహజ
D) పైవన్నీ
జవాబు:
C) సహజ

2. పత్తి దారం దేని నుండి లభిస్తుంది?
A) జనపనార
B) పత్తి
C) కొబ్బరి
D) వేరుశెనగ
జవాబు:
B) పత్తి

3. గాంధీజీ ఏ రకమైన వస్త్రాల వాడుకకు ప్రాధాన్యత ఇచ్చారు?
A) ఖాదీ
B) సిల్క్
C) ఉన్ని
D) పాలిస్టర్
జవాబు:
A) ఖాదీ

4. గన్నీ సంచులు దేనితో తయారు చేయబడతాయి?
A) కొబ్బరి
B) కాటన్
C) జనపనార
D) వేరుశనగ
జవాబు:
C) జనపనార

AP 6th Class Science Important Questions Chapter 8 దుస్తులు ఎలా తయారవుతాయి

5. మంగళగిరి ఏ పరిశ్రమకు ప్రసిద్ది చెందింది?
A) కలంకారి
B) హస్తకళలు
C) తివాచీలు
D) చేనేత వస్త్రాలు
జవాబు:
D) చేనేత వస్త్రాలు

6. ఏ పట్టణం కార్పెట్ పరిశ్రమకు ప్రసిద్ధి?
A) మచిలీపట్నం
B) మంగళగిరి
C) పాండూరు
D) ధర్మవరం
జవాబు:
A) మచిలీపట్నం

7. పాలిస్టర్ దేనితో తయారు చేయబడుతుంది?
A) ఈథేన్
B) ఆల్కహాల్
C) యాసిడ్
D) పెట్రోలియం
జవాబు:
D) పెట్రోలియం

8. దేని వెంట్రుకలతో వెచ్చని బటలు తయారు చేసారు?
A) పట్టు పురుగు
B) అడవి దున్న
C) పంది
D) ఆవు
జవాబు:
B) అడవి దున్న

9. భిన్నమైన దాన్ని ఎంచుకోండి.
A) సిల్క్
B) ఉన్ని
C) కాటన్
D) పాలిస్టర్
జవాబు:
D) పాలిస్టర్

10. కింది వాటిలో ఏది సహజ దారం?
A) పట్టు
B) నైలాన్
C) రేయాన్
D) ఏదీ కాదు
జవాబు:
A) పట్టు

11. పత్తి పోగులను దాని విత్తనాల నుండి వేరు చేయడం
A) నేత
B) జిన్నింగ్
C) అల్లడం
D) వడకటం
జవాబు:
B) జిన్నింగ్

AP 6th Class Science Important Questions Chapter 8 దుస్తులు ఎలా తయారవుతాయి

12. సరైన క్రమాన్ని ఎంచుకోండి.
A) దారపు పోగు → ఫ్యాబ్రిక్ → దారం
B) దారం → దుస్తులు → దారపు పోగు
C) దుస్తులు → దారం → దారపు పోగు
D) దారపు పోగు → దారం → దుస్తులు
జవాబు:
D) దారపు పోగు → దారం → దుస్తులు

13. కొబ్బరి పీచును దేని తయారీకి ఉపయోగిస్తారు?
A) చొక్కాలు
B) చీరలు
C) డోర్ మాట్స్
D) పైవన్నీ
జవాబు:
C) డోర్ మాట్స్

14. పాత రోజులలో యుద్ధ సైనికులు ఏ బట్టలు ఉపయోగించారు?
A) లోహపు
B) ఉన్ని
C) నైలాన్
D) పాలిస్టర్
జవాబు:
A) లోహపు

AP 6th Class Science Important Questions Chapter 8 దుస్తులు ఎలా తయారవుతాయి

15. ఏ పదార్ధం భూమిలో కుళ్ళిపోవటం చాలా కష్టం?
A) కాటన్
B) జనపనార
C) ఉన్ని
D) పాలిథీన్
జవాబు:
D) పాలిథీన్

II. ఖాళీలను పూరించుట కింది ఖాళీలను పూరింపుము.

1. పత్తిలోని చిన్న చిన్న దారాలను ……. అంటారు.
2. పత్తి …………… నేలల్లో పెరుగుతుంది.
3. పుస్తక బైండింగ్ లో ……………………… దుస్తులు ఉపయోగిస్తారు.
4. మచిలీపట్నం ………… పరిశ్రమకు ప్రసిద్ధి.
5. ……………. పత్తి త్రిప్పడానికి ఉపయోగించే పరికరం.
6. భారతదేశంలో ……….. రాష్ట్రం జనపనారను అత్యధికంగా ఉత్పత్తి చేస్తుంది.
7. కొబ్బరి నార ………… చెట్టు నుండి ఉత్పత్తి అవుతోంది.
8. వేసవి కాలంలో ……….. బట్టలు వాడతారు.
9. దారపు పోగు(పీచు) → ……… → దుస్తులు.
10. పత్తి కాయలనుండి విత్తనాలను తొలగించే ప్రక్రియను ……………… అంటారు.
జవాబు:

  1. దారపు పోగు లేదా పత్తి పీచు దారాలు
  2. నల్ల రేగడి
  3. కాలికో
  4. కలంకారి
  5. తకిలి
  6. పశ్చిమ బెంగాల్
  7. కొబ్బరి
  8. కాటన్
  9. దారం
  10. జిన్నింగ్ (వేరు చేయటం)

III. జతపరుచుట

కింది వానిని జతపరుచుము.

1.

Group – A Group- B
ఎ) పత్తి 1) జనుము యొక్క కాండం
బి) పట్టు 2) పత్తి కాయ
సి) ఉన్ని 3) పెట్రోలియం
డి) జనపనార 4) పట్టు పురుగు
ఇ) పాలిస్టర్ 5) గొర్రెలు

జవాబు:

Group – A Group- B
ఎ) పత్తి 2) పత్తి కాయ
బి) పట్టు 4) పట్టు పురుగు
సి) ఉన్ని 5) గొర్రెలు
డి) జనపనార 1) జనుము యొక్క కాండం
ఇ) పాలిస్టర్ 3) పెట్రోలియం

2.

Group – A Group – B
ఎ) దుస్తులు 1) చిన్న తంతువులు
బి) జిన్నింగ్ 2) దారం నుండి నేసినది.
సి) దారపు పీచు 3) విత్తనాలను తొలగించే ప్రక్రియ
డి) కాలికో 4) దారపు పోగు నుండి దారం తయారీ
ఇ) స్పిన్నింగ్ 5) బుక్ బైండింగ్లో ఉపయోగించే బట్ట

జవాబు:

Group – A Group – B
ఎ) దుస్తులు 2) దారం నుండి నేసినది.
బి) జిన్నింగ్ 3) విత్తనాలను తొలగించే ప్రక్రియ
సి) దారపు పీచు 1) చిన్న తంతువులు
డి) కాలికో 5) బుక్ బైండింగ్లో ఉపయోగించే బట్ట
ఇ) స్పిన్నింగ్ 4) దారపు పోగు నుండి దారం తయారీ

3.

Group – A Group – B
ఎ) జనపనార 1) కాలికో
బి) పి.వి.సి 2) పత్తి కాయ
సి) ప్యాంటు 3) బంగారు దారపు పోగు
డి) బుక్ బైండింగ్ 4) కృత్రిమ దారం

జవాబు:

Group – A Group – B
ఎ) జనపనార 3) బంగారు దారపు పోగు
బి) పి.వి.సి 4) కృత్రిమ దారం
సి) ప్యాంటు 2) పత్తి కాయ
డి) బుక్ బైండింగ్ 1) కాలికో

మీకు తెలుసా?

→ మీ పుస్తకాల సంచి తయారుచేయడానికి ఉపయోగించే గుడ్డ ప్రత్యేకంగా ఉంటుంది. దుస్తుల తయారీకే కాకుండా జెండాలు, బ్యానర్లు, కిటికీ తెరలు, పుస్తకాల బైండింగ్లలో కూడా రకరకాల గుడ్డలను ఉపయోగిస్తారు. పుస్తకాల బైండింగ్ లో ఉపయోగించే గుడ్డను “కాలికో” అంటారు.

→ ఆది మానవులు చెట్ల ఆకులు, బెరళ్లు, జంతువుల చర్మాలను దుస్తులుగా ధరించేవారు ” కదా ! పూర్వకాలంలో లోహాలతో కూడా దుస్తులు తయారుచేసేవారు. యుద్ధంలో పాల్గొనే సైనికులు ఇనుము లాంటి లోహాలతో తయారైన తొడుగులను ధరించేవారు. ఇలాంటి దుస్తులను చారిత్రక వస్తు ప్రదర్శనశాలలలోనూ, టెలివిజన్ కార్యక్రమాలలోనూ చూడవచ్చు.
AP 6th Class Science Important Questions Chapter 8 దుస్తులు ఎలా తయారవుతాయి 6

→ మన రాష్ట్రంలో పత్తి విస్తారంగా పండుతుంది. పొలాలలో పత్తికాయలు కోయడంలో పిల్లలతో పని చేయిస్తుంటారు. ఇలా బాల కార్మికులుగా మారుతున్న పిల్లలను కాపాడడానికి అనేక స్వచ్ఛంద సంస్థలు ప్రభుత్వంతో కలిసి పనిచేస్తున్నాయి. పిల్లలు బలవంతంగా ఎందుకు బాల కార్మికులుగా మారుతున్నారో ఆలోచించండి. పరిష్కారాలు సూచించండి.

→ భారతదేశంలో జనపనార పంట ఎక్కువగా ఏడు రాష్ట్రాలలో పండిస్తారు. అవి పశ్చిమ బంగ, అసోం, ఒడిశా, ఉత్తరప్రదేశ్, త్రిపుర మరియు మేఘాలయ ఒక్క పశ్చిమ బంగ రాష్ట్రం నందే 50% పైగా జనపనార ఉత్పత్తి అవుతుంది.

AP 6th Class Science Important Questions Chapter 8 దుస్తులు ఎలా తయారవుతాయి

→ మనమంతా వివిధ రకాల అవసరాల కోసం పాలిథీన్ సంచులను ఉపయోగిస్తాం. పాలిథీన్ సంచులు విచ్ఛిన్నమయి మట్టిలో కలిసిపోవు. మనం పర్యావరణాన్ని రక్షించాలంటే పాలిథీన్ సంచులకు బదులుగా సహజ దారాలతో తయారయిన సంచులను వాడాలి.
AP 6th Class Science Important Questions Chapter 8 దుస్తులు ఎలా తయారవుతాయి 7

Leave a Comment