AP 10th Class Physical Science Model Paper Set 7 with Solutions in Telugu

Solving AP 10th Class Physical Science Model Papers Set 7 in Telugu Medium regularly is an effective strategy for time management during exams.

AP 10th Class Physical Science Model Paper Set 7 with Solutions in Telugu

Time: 2 Hours
Maximum Marks: 50

సూచనలు :

1. ఈ ప్రశ్నాపత్రంలో 4 విభాగాలు మరియు 17 ప్రశ్నలు ఉండును.
2. III వ విభాగం నందు కేవలం 12వ ప్రశ్నకు మాత్రమే మరియు IV వ విభాగం నందు గల అన్ని ప్రశ్నలకు అంతర్గత ఎంపిక కలదు.
3. 2 గంటల సమయంలో, 15 నిమిషాల సమయం ప్రశ్నపత్రం చదువుటకై కేటాయింపబడినది.
4. అన్ని సమాధానములు మీకివ్వబడిన సమాధాన పత్రంలోనే రాయవలెను.
5. అన్ని సమాధానములు స్పష్టంగాను, గుండ్రంగాను రాయవలెను.

విభాగము – I 8 × 1 = 8 మా.

1. అన్ని ప్రశ్నలకు సమాధానములు వ్రాయుము.
2. ప్రతి ప్రశ్నకు 1 మార్కు.

ప్రశ్న 1.
కంటి కటకం యొక్క గరిష్ఠ, కనిష్ఠ నాభ్యంతరాలను రాయండి.
జవాబు:

1. f_{గరిష్ట} = 2.5 సెం.మీ.
2. f_{కనిష్ఠం} = 2.27 సెం.మీ.

ప్రశ్న 2.
వాహక నిరోధం అనగానేమి?
జవాబు:
వాహకంలో ఎలక్ట్రాన్ చలనానికి కలిగే ఆటంకమును “వాహక నిరోధం” అంటారు.

ప్రశ్న 3.
4 కార్బన్లతో ‘X’ అనే అణువు వుంది. అది ఒక ఆల్కేన్ కూడా. అయిన ఆ పదార్థాన్ని ఊహించి రాయండి.
జవాబు:
‘X’ అనేది బ్యూటేన్ (CH₄)

ప్రశ్న 4.
క్రింద ఇవ్వబడిన పట్టికను పరిశీలించి, ఇచ్చిన ప్రశ్నలకు జవాబులిమ్ము.

పదార్థం	విశిష్టోష్టం కాలరీ / గ్రా-°C
సీసం	0.031
నీరు	1
రాగి	0.095

1) తక్కువ ఉష్ణంతోనే వేగంగా వేడెక్కే పదార్థం ఏది ?
2) శీతలీకరణిగా వినియోగించే పదార్థం ఏది?
జవాబు:
1) సీసం
2) నీరు

ప్రశ్న 5.
అమ్మోనియా అణువు పటం గీయండి.
జవాబు:

ప్రశ్న 6.
గ్రాఫైట్ ఉపయోగాలు రాయండి.
జవాబు:

1. గ్రాఫైట్ను మంచి విద్యుత్ వాహకంగా వినియోగిస్తారు.
2. దీనిని కందెనగా వినియోగిస్తారు.

ప్రశ్న 7.
క్రింది పట్టికను పరిశీలించి, ఇవ్వబడిన ప్రశ్నలకు జవాబులు రాయండి.

1) పట్టికలో గల ఆల్కేనులు రాయుము.
2) త్రిబంధం గల అసంతృప్త హైడ్రోకార్బన్లు ఏమిటి ?
జవాబు:
1) ఆల్కేనులు : మీథేన్ (CH₄), ఈథేన్ (C₂H₆)
2) పెంటైన్ (C₅H₈), హెక్సెన్ (C₆H₁₀) లు

ప్రశ్న 8.
కింది పట్టికలో ఇచ్చిన సమాచారాన్ని పరిశీలించి, పట్టిక కింద ఇచ్చిన ప్రశ్నలకు సమాధానాలు రాయండి.

పదార్థం (జల ద్రావణంలో)	నీలి లిట్మస్తో సూచించే రంగు మార్పు	రెడ్ లిట్మస్తో సూచించే రంగు మార్పు
A	ఎరుపు	మార్పు లేదు.
B	మార్పు లేదు	నీలం
C	మార్పు లేదు	మార్పు లేదు

1) A, B, C పదార్థాలలో తటస్థ లవణం ఏది ?
2) B పదార్థానికి కొన్ని చుక్కల ఫినాఫ్తలీన్ కలిపితే ఏం జరుగుతుంది?
జవాబు:
1) C
2) పింక్ (గులాబి) రంగులోకి మారుతుంది.

విభాగము – II 3 × 2 = 6 మా.

సూచనలు :

1. 1. అన్ని ప్రశ్నలకు సమాధానములు వ్రాయుము.
   2. ప్రతి ప్రశ్నకు 2 మార్కులు.

ప్రశ్న 9.
ఆఫ్ బౌ నియమాన్ని రాసి, ఉదాహరణతో వివరించండి.
జవాబు:
నియమం : ఎలక్ట్రాను తక్కువ శక్తి గల ఆర్బిటాల్లోనికి ముందు ప్రవేశించును.
(లేదా)
ఎలక్ట్రాను ఏ ఆర్బిటాల్ యొక్క (n + l) విలువ కనిష్ఠమో దానిలోనికి ముందు ప్రవేశించును.

పొటాషియంలో చిట్టచివరి ఎలక్ట్రాన్ 3d లోనికి ప్రవేశించకుండా, 4s లోనికి ప్రవేశించింది. కారణం 4s యొక్క n + l విలువ తక్కువ.

ఆర్బిటాల్	n	l	n + l
4s	4	0	4 + 0 = 4
3d	3	2	3 + 2 = 5

ఉదా 3 : స్కాండియం ₂₁Sc 1s² 2s² 2p⁶ 3s² 3p⁶ 4s² 3d¹
స్కాండియంలో చిట్టచివరి 21వ ఎలక్ట్రాన్ 4p లోనికి ప్రవేశించకుండా 3d లోనికి ప్రవేశించింది. దీనికి కారణం 4p, 3dల n + l విలువలు సమానం అయినప్పటికీ n విలువ 3d ఆర్బిటాల్కు కనిష్ఠం కాబట్టి ఎలక్ట్రాన్ 3d లోనికి ప్రవేశించింది.

ప్రశ్న 10.
ఆర్బిటాల్ మరియు ఆర్బిట్ల మధ్య తేడాలు తెలుసుకొనుటకు కొన్ని ప్రశ్నలను తయారు చేయుము.
జవాబు:

1. బోర్ పరమాణు నిర్మాణం ప్రకారం ఎలక్ట్రాన్లు పరమాణువులో ఎక్కడ తిరుగుతాయి ?
2. ఆర్బిట్ను ఏ క్వాంటం సంఖ్య సూచిస్తుంది ?
3. కోణీయ ద్రవ్య వేగ క్వాంటం సంఖ్య దేనిని సూచిస్తుంది ? .
4. పరమాణువులో ఎలక్ట్రాను కనుగొనే సంభావ్యత ఎక్కడ వుంటుంది ?

ప్రశ్న 11.
కంటిలో శంఖువులు, దండాలు లేకపోతే ఏమి జరుగునో ఊహించి రాయండి.
జవాబు:

1. కంటిలో శంఖువులు లేకపోతే ప్రకృతిలో గల వివిధ రంగులను గుర్తించలేము. వర్ణ అంధత్వం ఏర్పడుతుంది.
2. కంటిలో దండాలు లేకపోతే అన్ని వస్తువులు వెలుతురు తగ్గి మసకగా కనిపిస్తాయి.

విభాగము – III 3 × 4 = 12 మా.

సూచనలు :

1. అన్ని ప్రశ్నలకు సమాధానములు వ్రాయుము.
2. ప్రతి ప్రశ్నకు 4 మార్కులు.

ప్రశ్న 12.
ఈ క్రింది వాటిలో ఏదైనా ఒక పటం గీయండి :
a) సోలినాయిడ్ వల్ల ఏర్పడే అయస్కాంత క్షేత్ర పటం గీయుము.
జవాబు:

b) ఆరోహణ క్రమంలో పరమాణు ఆర్బిటాళ్ళ విశిధ శక్తిస్థాయిలను చూపే మాయిలర్ పటాన్ని గీయుము.
జవాబు:

(n + l) విలువలు పెరిగే క్రమాన్ని చూపే పటం

ప్రశ్న 13.
పట్టికను పరిశీలించి జవాబులిమ్ము.

పదార్థం	ఎర్ర లిట్మస్	మిథైల్ ఆరెంజ్	విశ్వ సూచిక
A	మార్పు లేదు	మార్పు లేదు	ఆకుపచ్చ
B	నీలం	పసుపు	ఊదా
C	మార్పు లేదు	ఎరుపు	ఎరుపు
D	నీలం	పసుపు	నీలం

1) పై పదార్థాలలో ఏవి ఆమ్లాలు ?
జవాబు:
పదార్థం ‘C’ ఆమ్లం

2) పదార్థం ‘A’ పేరును ఊహించి రాయండి.
జవాబు:
పదార్థం ‘A’ నీరు అవ్వవచ్చును.

3) పై పదార్థాలలో ఏది ఫినాఫ్తలీన్ సూచిక రంగును మార్చగలదు ?
జవాబు:
పదార్థం B మరియు D లు ఫినాఫ్తలీన్ సూచిక రంగును మార్చగలవు.

4) ఏ పదార్థానికి తక్కువ pH విలువ ఉంటుంది?
జవాబు:
పదార్ధం ‘C’ తక్కువ pH కలిగి ఉంటుంది.

ప్రశ్న 14.
రోజువారీ జీవితంలో ఎస్టర్ల పాత్రను నీవు ఎలా ప్రశంసిస్తావు ?
జవాబు:
ఎస్టర్లు ప్రత్యేక సువాసన కలిగిన సమ్మేళనాలు. కాబట్టి వీటిని

1. సెంట్లు, సబ్బులు, నెయిల్ పాలిష్ మొదలైన సౌందర్యాత్మక సాధనాలలో ఉపయోగిస్తారు.
2. ఆల్కహాళ్ళు, ఫాటీ ఆమ్లాల తయారీలో ఉపయోగిస్తారు.
3. పువ్వులు, పండ్లు ప్రత్యేక వాసన కలిగి ఉండడానికి వాటిలోని ఎస్టర్లు తోడ్పడుతున్నాయి.
4. ఎస్టర్లను కొన్ని ప్రత్యామ్నాయ మందులుగాను, విటమిన్లలోను ఉపయోగిస్తున్నారు.
   ఈ విధంగా అనేక నిత్యజీవిత అంశాలలో ఎస్టర్లు ప్రముఖ పాత్ర వహిస్తున్నాయి. కాబట్టి వాటి పాత్ర ఎంతో అభినందనీయం.

విభాగము – IV 3 × 8 = 24 మా.

సూచనలు :

1. అన్ని ప్రశ్నలకు సమాధానములు వ్రాయుము.
2. ప్రతి ప్రశ్నకు 8 మార్కులు.
3. ప్రతి ప్రశ్నకు అంతర్గత ఎంపిక కలదు.

ప్రశ్న 15.
క్రింది వానిని వివరింపుము.
1) ఆప్టికల్ ఫైబర్ పని చేయు విధానం
2) వజ్రాల ప్రకాశం
జవాబు:
ఆప్టికల్ ఫైబర్స్ సంపూర్ణాంతర పరావర్తనంపై ఆధారపడి పనిచేస్తాయి.

1. ఆప్టికల్ ఫైబర్ అనునది గాజు లేదా ప్లాస్టిక్ తో తయారు చేయబడిన అతిసన్నని తీగ.
2. ఇటువంటి సన్నని తీగలు కొన్ని కలిసి లైట్పైపై ఏర్పడతాయి.
3. పని చేయు విధానం:

1. ఆప్టికల్ ఫైబర్లో కాంతి ప్రయాణించే విధానాన్ని పక్క పటం వివరిస్తుంది.
2. ఆప్టికల్ ఫైబర్ యొక్క అతి తక్కువ వ్యాసార్ధం వల్ల దానిలోకి ప్రవేశించు కాంతి, దాని లోపలి గోడలకు తగులుతూ పతనం చెందుతుంది.
3. పతన కోణం, సందిగ్ధ కోణం కన్నా ఎక్కువ ఉండడం వల్ల సంపూర్ణాంతర పరావర్తనం జరుగుతుంది.
4. తద్వారా ఆప్టికల్ ఫైబర్ గుండా కాంతి ప్రయాణిస్తుంది.
5. ఆ కాంతి పొట్ట లోపలి భాగాన్ని ప్రకాశవంతంగా చేస్తుంది.
6. ఆ లోపలి కాంతి, లైట్పైపులోని మరికొన్ని ఆప్టిక్ ఫైబర్స్ ద్వారా బయటకు వస్తుంది.
7. ఆ ఫైబర్స్ `రెండవ చివర నుండి వచ్చు కాంతిని పరిశీలించడం ద్వారా పొట్ట లోపలి భాగాల చిత్రాన్ని పరిశీలకులు తెలుసుకుంటారు.

2) వజ్రాల ప్రకాశం :

1. వజ్రం యొక్క సందిగ్ధ కోణము విలువ చాలా తక్కువ (24.4°).
2. కావున వజ్రంలోనికి ప్రవేశించిన కాంతి సంపూర్ణాంతర పరావర్తనం చెందును.
3. ఈ లక్షణం వలన వజ్రం ప్రకాశించును.
4. వజ్రమును కోసినపుడు పతన కోణం, సందిగ్ధ కోణం కన్నా ఎక్కువై సంపూర్ణాంతర పరావర్తనం పదేపదే జరుగును.
5. అనగా వజ్రంలోకి ప్రవేశించిన కాంతి సులభంగా సంపూర్ణాంతర పరావర్తనం చెంది వజ్రం మిరుమిట్లు గొలిపే కాంతిలో ప్రకాశవంతంగా మెరయును.

(లేదా)
i) కుంభాకార, పుటాకార కటకాల మధ్య భేదాలు రాయుము.

కుంభాకార కటకం	పుటాకార కటకం
1. దీని అంచులు పలుచగాను, మధ్యలో మందంగాను ఉంటుంది.	1. దీని అంచులు మందముగాను, మధ్యలో పలుచగాను ఉంటుంది.
2. కాంతి కిరణాలు దీని మీద పడి వక్రీభవనం చెందిన తరువాత కేంద్రీకరించబడతాయి.	2. కాంతి కిరణాలు దీని మీద పడినపుడు వక్రీభవనం తరువాత వికేంద్రీకరణం చెందుతాయి.
3. దీని ద్వారా వస్తువులను చూచినపుడు పెద్దవిగా కనబడతాయి.	3. దీని ద్వారా వస్తువులను చూచినపుడు కుంచించుకొని పోయినట్లు కనబడతాయి.
4. ఇది సాధారణంగా నిజ ప్రతిబింబాన్ని ఏర్పరుస్తుంది.	4. ఇది ఎల్లప్పుడు మిథ్యా ప్రతిబింబాన్ని ఏర్పరుస్తుంది.

ii) 10 సెం.మీ. నాభ్యంతరం గల కుంభాకార కటకాన్ని ఒక గోడ నుండి 12 సెం.మీ. దూరంలో ఉంచితే గోడపై ప్రతిబింబం ఏర్పడింది. అయిన కటకానికి, వస్తువుకి మధ్య దూరాన్ని లెక్కించండి.
సాధన. f = 10 సెం.మీ. ⇒ v = 12 సెం.మీ.
కటక సూత్రం = \(\frac{1}{f}\) = \(\frac{1}{v}\) – \(\frac{1}{u}\)
⇒ \(\frac{1}{10}\) = \(\frac{1}{12}\) – \(\frac{1}{u}\) ⇒ \(\frac{1}{u}\) = \(\frac{1}{12}\) – \(\frac{1}{10}\) = \(\) = –\(\frac{1}{60}\) ⇒ u = 60 సెం.మీ.
∴ వస్తు దూరం 60 సెం.మీ.

ప్రశ్న 16.
ఈ క్రింది అణువులు ఏర్పడే విధానాన్ని వేలన్సీ బంధ సిద్ధాంతం ఆధారంగా వివరించండి.
a) N₂ అణువు
b) O₂ అణువు
జవాబు:
a) N₂ అణువు ఏర్పడే విధానం – వేలన్సీ బంధ సిద్ధాంతం ఆధారంగా :

1. నైట్రోజన్ యొక్క ఎలక్ట్రాన్ విన్యాసం 1s² 2s² 2p_x¹ 2p_y¹ 2p_z¹.
2. ఒక నైట్రోజన్ పరమాణువులోని P_x ఆర్బిటాల్, మరొక నైట్రోజన్ పరమాణువులోని P_x ఆర్బిటాల్తో అక్షంపై అతిపాతం చెందడం వల్ల (p_x – p_x) రా బంధం ఏర్పడుతుంది.
3. రెండు పరమాణువులలో మిగిలిన P_y, P_y ఆర్బిటాళ్ళు మరియు P_z, P_z, ఆర్బిటాళ్ళు పార్శ్వ అతిపాతం చెందడం వలన రెండు T బంధాలు ఏర్పడతాయి.
4. ఫలితంగా రెండు నైట్రోజన్ పరమాణువుల మధ్య బంధాలతో నైట్రోజన్ అణువు ఏర్పడుతుంది.

b) O₂ అణువు ఏర్పడుట :

1. ఆక్సిజన్ పరమాణువు యొక్క ఎలక్ట్రాన్ విన్యాసం 1s² 2s² 2p_x² 2p_y¹ 2p_z¹
2. ఆక్సిజన్ పరమాణువులోని P_y ఆర్బిటాల్, మరొక ‘ఆక్సిజన్ పరమాణువులోని P_y ఆర్బిటాల్తో అక్షీయరేఖ వెంబడి అతిపాతం చెందడం వల్ల (p_y – p_y) రా బంధం ఏర్పడుతుంది.
3. రెండు పరమాణువులలో మిగిలిన P_z, P_z ఆర్బిటాళ్ళు పార్శ్వ అతిపాతం చెందడం వలన (p_z – p_z) π బంధం ఏర్పడుతుంది.
4. ఫలితంగా రెండు ఆక్సిజన్ పరమాణువుల మధ్య 2 బంధాలతో ఆక్సిజన్ అణువు ఏర్పడుతుంది.

(లేదా)
నవీన ఆవర్తన నియమాన్ని రాయండి. విస్తృత ఆవర్తన పట్టిక ఏ విధంగా నిర్మించబడిందో వివరించండి.
జవాబు:
నవీన ఆవర్తన నియమము : మూలకాల భౌతిక, రసాయన ధర్మాలు వాటి ఎలక్ట్రాన్ విన్యాసాల ఆవర్తన ప్రమేయాలు. విస్తృత ఆవర్తన పట్టిక నిర్మాణము :

1. ఆవర్తన నియమము ప్రకారం నిర్మించబడినది.
2. దీనినే విస్తృత ఆవర్తన పట్టిక అంటారు.
3. ఈ పట్టికలో 18 నిలువు వరుసలు (గ్రూపులు), ? అడ్డు వరుసలు (పీరియడ్లు) ఉంటాయి.
4. సాంప్రదాయబద్ధంగా గ్రూపులను I నుండి VIII వరకు రోమన్ సంఖ్యలను ఉపయోగించి సూచిస్తూ వాటికి A, B అక్షరాలను జోడించి చూపుతారు.
5. గ్రూపులలో ఒకే ఎలక్ట్రాన్ విన్యాసం కలిగిన మూలకాలను అమర్చారు.
6. ఆవర్తన పట్టికలో 7 పీరియడ్లను 1 నుండి 7 వరకు అరబిక్ సంఖ్యలచే సూచిస్తారు.
7. పీరియడ్లలో మూలకాలను పరమాణు సంఖ్యల ఆరోహణ క్రమంలో అమర్చారు.
8. మూలకం యొక్క పరమాణువులో చిట్టచివరి ఎలక్ట్రాన్ లేదా భేదపరిచే ఎలక్ట్రాన్ ఏ ఉపకక్ష్యలో చేరుతుందో దానిని ఆధారంగా చేసుకుని మూలకాలను s, p, d, f బ్లాకు మూలకాలుగా వర్గీకరించారు.
9. మొదటి పీరియడ్ 2 మూలకాలను, 2వ మరియు 3వ పీరియడ్లు 8 మూలకాలను, 4వ మరియు 5వ పీరియడ్లు 18 మూలకాలను, 6వ పీరియడ్ 32 మూలకాలను మరియు 7వ పీరియడ్ అసంపూర్తిగా నిండి ఉంటాయి.

ప్రశ్న 17.
లోహ క్షయంనకు గాలి, నీరు అవసరం అని నిరూపించుటకు ప్రయోగాన్ని ఎలా నిర్వహిస్తారో వివరించండి.
జవాబు:
లోహక్షయానికి గాలి మరియు నీరు అవసరం అని నిరూపించుట :
ప్రయోగం :

1. మూడు పరీక్షనాళికలను తీసుకొని, వాటిని A, B, C లుగా గుర్తించండి. ఒక్కొక్క దానిలో శుభ్రంగా ఉన్న ఒక్క ఇనుపమేకును వేయండి.
2. పరీక్షనాళిక ‘A’ లో కొంత నీటిని తీసుకొని, దానిని రబ్బరు బిరడాతో బిగించండి.
3. పరీక్షనాళిక ‘B’ లో మరిగించిన స్వేదన జలాన్ని ఇనుపమేకు మునిగేంతవరకు తీసుకొని దానికి 1మి.లీ. నూనెను కలిపి రబ్బరు బిరడాతో బిగించండి.
4. పరీక్షనాళిక ‘C’ లో కొంచెం అనార్థ కాల్షియం క్లోరైడ్ను తీసుకొని రబ్బరు బిరడాను బిగించండి.
5. అనార్ధ కాల్షియం క్లోరైడ్ గాలిలోని తేమను గ్రహించును.
6. పై పరీక్షనాళికలను కొన్ని రోజుల వరకూ అలా ఉంచేసి తర్వాత వచ్చిన మార్పులను పరిశీలించండి.
7. పరీక్షనాళిక ‘A’ లోని ఇనుపమేకు త్రుప్పు పట్టును. కానీ ‘B’ మరియు ‘C’ పరీక్షనాళికలోని మేకులు తుప్పు పట్టవు.
8. పరీక్షనాళిక ‘A’ లోని మేకులు గాలి, నీరు ఉన్న వాతావరణంలో ఉంచబడ్డాయి.
9. ‘B’ పరీక్షనాళికలోని మేకులు కేవలం నీటిలోను, పరీక్షనాళిక ‘C’ లోని మేకులు పొడిగాలిలో ఉంచబడ్డాయి.
10. కనుక ఈ ప్రయోగం ద్వారా లోహక్షయానికి (corrosion) గాలి మరియు నీరు అవసరం అని నిరూపించవచ్చు.

(లేదా)

ఓమ్ నియమాన్ని తెల్పండి. దానిని సరి చూడడానికి ప్రయోగాన్ని తెల్పి, ప్రయోగ విధానాన్ని రాయండి.
జవాబు:
ఓమ్ నియమము : స్థిర ఉష్ణోగ్రత వద్ద, వాహకం రెండు చివరల మధ్య పొటెన్షియల్ భేదం వాహకం గుండా ప్రవహించే విద్యుత్ ప్రవాహానికి అనులోమానుపాతంలో ఉంటుంది.
ఓమ్ నియమంను సరిచూచుట :
ఉద్దేశ్యం : ఒక వాహకానికి సంబంధించిన VI విలువ స్థిరమని చూపడము. కావలసిన వస్తువులు : 6V బ్యాటరీ ఎలిమినేటర్, 0-1A అమ్మీటర్, 0-6V ఓల్ట్ మీటరు, వాహక తీగలు (రాగి తీగలు), 50 సెం.మీ. పొడవు గల సర్పిలాకార మాంగనీస్ తీగ, రియోస్టాట్, స్విచ్ మరియు 3V LED.

నిర్వహణ పద్ధతి :

1. పటంలో చూపిన విధముగా వలయాన్ని కలపండి. (బ్యాటరీ ఎలిమినేటర్లో గరిష్ఠంగా 4.5V దగ్గర నాబన్ను ఉంచాలి.
2. రియోస్టాట్ను ఉపయోగించి మాంగనీస్ తీగ రెండు కొనల వద్ద పొటెన్షియల్ భేదమును 0V నుంచి గరిష్ఠంగా 4.5V మధ్య వరకు మార్చాలి.
3. రియోస్టాట్ ఉపయోగించి మాంగనీస్ తీగ రెండు కొనల వద్ద కనీసం 1V పొటెన్షియల్ భేదం ఉంచాలి.
4. ఈ సందర్భానికి వలయంలో విద్యుత్ ప్రవాహంను అమ్మీటరు ద్వారా గుర్తించి, పట్టికలో నమోదు చేయండి.
5. రియోస్టాట్ను ఉపయోగించి పొటెన్షియల్ భేదం (V) 4.5V వరకు మార్చుతూ విద్యుత్ ప్రవాహం (I) విలువలను గుర్తించండి.
6. ఈ విధంగా V మరియు I విలువలను కనీసం 5 రీడింగులను గుర్తించి, పట్టికలో నమోదు చేయండి.
7. ప్రతి సందర్భానికి \(\frac{\mathrm{V}}{\mathrm{I}}\) విలువను కనుగొనండి.
8. \(\frac{\mathrm{V}}{\mathrm{I}}\) విలువ స్థిరమని మనము గమనించవచ్చును. V ∝ I అయిన \(\frac{\mathrm{V}}{\mathrm{I}}\) = స్థిరము
9. ఈ స్థిరాంకంను వాహక విద్యుత్ నిరోధం అంటాము. దీనిని ‘R’ తో సూచిస్తాము. \(\frac{\mathrm{V}}{\mathrm{I}}\) = R ⇒ V = IR
   ∴ ఓమ్ నియమము నిరూపించబడినది.