AP 10th Class Biology Model Paper Set 3 with Solutions in Telugu

Teachers often recommend practicing with AP 10th Class Biology Model Papers Set 3 in Telugu Medium to enhance exam readiness.

AP 10th Class Biology Model Paper Set 3 with Solutions in Telugu

Time: 2 Hours
Maximum Marks: 50

సూచనలు :

1. ఈ ప్రశ్నాపత్రంలో 4 విభాగాలు మరియు 17 ప్రశ్నలు ఉండును.
2. III వ విభాగం నందు కేవలం 12వ ప్రశ్నకు మాత్రమే మరియు IV వ విభాగం నందు గల అన్ని ప్రశ్నలకు అంతర్గత ఎంపిక కలదు.
3. 2 గంటల సమయంలో, 15 నిమిషాల సమయం ప్రశ్నపత్రం చదువుటకై కేటాయింపబడినది.
4. అన్ని సమాధానములు మీకివ్వబడిన సమాధాన పత్రంలోనే రాయవలెను.
5. అన్ని సమాధానములు స్పష్టంగాను, గుండ్రంగాను రాయవలెను.

విభాగము – I 6 × 1 = 6 మా.

1. అన్ని ప్రశ్నలకు సమాధానములు వ్రాయుము.
2. ప్రతి ప్రశ్నకు 1 మార్కు.

ప్రశ్న 1.
క్రింది సమీకరణము దేనిని తెలియజేస్తుంది ?
C₆H₁₂O₆ + 6O₂ → 6CO₂ + శక్తి
జవాబు:
శ్వాసక్రియ

ప్రశ్న 2.
కర్ణికా-జఠరికాంతర విభాజకాల వద్ద గల కవాటాలేవి ?
జవాబు:
త్రిపత్ర కవాటం, మిట్రల్ కవాటం

ప్రశ్న 3.
సహజ వనరులు అతి త్వరగా అంతరించిపోతున్నాయి. ఈ నేపథ్యంలో భవిష్యత్ పరిణామాలను ఊహించండి.
జవాబు:
నీరు, ఆహార సంక్షోభం ఏర్పడుతుంది.

ప్రశ్న 4.
ఈ క్రింది ఇవ్వబడిన కొల్లేరు సరస్సు గూర్చిన సమాచారమును చదివి, ప్రశ్నలకు జవాబులివ్వండి.

క్ర.సం.	సరస్సు క్షీణతకు కారణాలు	1967 నాటికి వైశాల్యం (చ.కి.మీ.)	2004 నాటికి వైశాల్యం (చ.కి.మీ.)
1.	అరుదైన కలుపుతో నిండిన భాగము	0	47.45
2.	రొయ్యల చెరువులు	0	99.74
3.	వరిపండే పొలాలు	8.40	16.62
4.	ఆక్రమణలు	0.31	1.37

ఎ) సరస్సు వైశాల్యము తగ్గిపోవుటకు గల కారణాలేవి ?
బి) మానవ సంబంధమైన ఏ చర్యవల్ల సరస్సు వైశాల్యము గణనీయముగా తగ్గిపోయినది ?
జవాబు:
ఎ) చేపల చెరువులు, భూ ఆక్రమణలు
బి) చేపల చెరువుల ఏర్పాటు, పంటపొలాల కోసం భూ ఆక్రమణలు

ప్రశ్న 5.
జీర్ణాశయములో ఆకలి సంకేతాలకు కారణమయ్యే హార్మోన్ల పాత్రను నీవెట్లు ప్రశంసిస్తావు ?
జవాబు:
గ్రెలిన్ హార్మోన్ ఆకలి ప్రేరేపించడం వలననే మనకు ఆకలి అవుతుంది.

ప్రశ్న 6.
పునఃచక్రీయము (recycling) ను సూచించు లోగో పటమును గీయుము.
జవాబు:

విభాగము – II 4 × 2 = 8 మా.

సూచనలు :

1. క్రింది ప్రశ్నలన్నింటికి సమాధానములు వ్రాయుము.
2. ప్రతి ప్రశ్నకు 2 మార్కులు.

ప్రశ్న 7.
కిరణజన్య సంయోగక్రియలో క్లోరోప్లాస్ నందు జరుగు ముఖ్య సంఘటనలేవి ?
జవాబు:
హరితరేణువులో క్రింది చర్యలు జరుగుతాయి.

1. కాంతి శక్తి రసాయనిక శక్తిగా మారుతుంది.
2. నీటి అణువు విచ్ఛిన్నం చెందడం.
3. కార్బోహైడ్రేట్ విచ్ఛిన్నం చెంది CO₂ ఏర్పడటం.

ప్రశ్న 8.
వ్యవసాయములో రసాయన ఎరువుల వాడకం వల్ల కలుగు దుష్ఫలితాల గూర్చి మరింత సమాచారమును సేకరించుటకు వ్యవసాయ శాస్త్రవేత్తను ఎటువంటి ప్రశ్నలడుగుతావు ?
జవాబు:

1. రసాయన ఎరువులను వాడటం లాభమా ? నష్టమా ?
2. రసాయన ఎరువులను అతిగా వాడటం వలన కలిగే నష్టాలేమిటి ?
3. రసాయన ఎరువులకు, సేంద్రీయ ఎరువులకు గల తేడాలేమిటి ?
4. రసాయన ఎరువులు వాడటం వలన భూసారం ఏమవుతుంది ?

ప్రశ్న 9.
మానవ పరిణామ కాలమును సూచించు దిగువ పట్టికను గమనించి, క్రింద ఇవ్వబడిన ప్రశ్నలకు జవాబులు రాయుము.

క్ర.సం.	మానవ జాతి	జీవించిన / కనిపించిన కాలం
1.	హెూమో హేబిలస్	1.6 – 2.5 మిలియన్ సం॥ల క్రితం
2.	హెూమో ఎరక్టస్	1 – 1.8 మిలియన్ సం॥ల క్రితం
3.	హెూమో నియాండర్తలెన్సిస్	1,00,000 – 40,000 మిలియన్ సం||ల క్రితం
4.	హెూమో సెపియన్స్	15,000 – 10,000 మిలియన్ సం||ల క్రితం

1) ప్రస్తుతమున్న మానవజాతికి ముందు జీవించిన మానవజాతి ఏది ?
2) 1 – 1.8 మిలియన్ సం||ల క్రితం జీవించిన మానవ జాతి ఏది ?
జవాబు:
1) హోమో నియాండర్తలెన్సిస్
2) హోమో ఎరక్టస్

ప్రశ్న 10.
కార్బన్ డై ఆక్సైడ్ గాఢతను నిరంతరం పెంచుతూ పోతుంటే, కిరణజన్య సంయోగక్రియా రేటు ఏమవుతుంది ?
జవాబు:

1. కిరణజన్య సంయోగక్రియా రేటు గాలిలో CO₂ శాతాన్ని బట్టి పెరుగుతుంది.
2. CO₂ శాతం ఒక శాతం వరకు పెరిగినా కిరణజన్య సంయోగక్రియ సహజంగానే జరుగుతుంది.
3. ఇంకా పెంచుతూ పోతే CO₂ విషంగా మారి మొక్కకు హాని చేస్తుంది.

విభాగము – III 5 × 4 = 20 మా.

సూచనలు :

1. క్రింది ప్రశ్నలకు సమాధానములు వ్రాయుము.
2. ప్రతి ప్రశ్నకు 4 మార్కులు.

ప్రశ్న 11.
సిరలకు, ధమనులకు గల భేదాలేవి ?
జవాబు:

ధమనులు	సిరలు
1) వీటి గోడలు మందంగా ఉండి ఇరుకైన కుహరాన్ని కలిగి ఉంటాయి.	1) వీటి గోడలు పలుచగా ఉండి వెడల్పైన కుహరాన్ని కలిగి ఉంటాయి.
2) గుండె నుండి శరీర భాగాలకు రక్తాన్ని తీసుకు వెళతాయి.	2) శరీర భాగాల నుండి రక్తాన్ని గుండెకు తీసుకువెళతాయి.
3) వీటిలో కవాటాలు ఉండవు.	3) వీటిలో కవాటాలు ఉంటాయి.
4) అన్ని ధమనులు ఆమ్లజనియుత రక్తాన్ని తీసుకొని వెళతాయి. (ఒక్క పుపుస ధమనిలో తప్ప)	4) అన్ని సిరలు ఆమ్లజని రహిత రక్తాన్ని తీసుకొని వెళతాయి. (ఒక్క పుపుస సిరలో తప్ప)

ప్రశ్న 12.
క్రింది పటములలో ఒక పటము గీసి, భాగాలను వ్రాయండి.
A) మూత్రపిండము అంతర్నిర్మాణము పటము గీచి, భాగాలను గుర్తించుము.
జవాబు:

(లేదా)
B) మానవునిలోని శ్వాస నాళికలు మరియు వాయుగోణుల పటాన్ని గీయండి.
జవాబు:

ప్రశ్న 13.
క్రింది సమాచారమును చదవండి.

క్ర.సం.	శ్వాసక్రియ రకము	శ్వాసావయవాలు	శ్వాసక్రియ జరుపు జీవులె
1.	చర్మీయ శ్వాసక్రియ	చర్మము	గుండ్రని పురుగులు, వానపాము, కప్ప
2.	వాయునాళ శ్వాసక్రియ	వాయునాళాలు	బొద్దింక, మిడత
3.	మొప్పల ద్వారా శ్వాసక్రియ	మొప్పలు	చేప
4.	పుపుస శ్వాసక్రియ	ఊపిరితిత్తులు	సరీసృపాలు, పక్షులు, క్షీరదాలు

క్రింది ప్రశ్నలకు సమాధానములు రాయండి.
1. కాకిలో ఎటువంటి శ్వాసక్రియ జరుగుతుంది ?
2. మొప్పల ద్వారా శ్వాసక్రియ జరుపు జీవులలో శ్వాసాంగాలేవి ?
3. వాయునాళ శ్వాసక్రియ జరుపు జీవులేవి ?
4. వానపాములోని శ్వాసాంగం ఏది ?
జవాబు:
1) పుపుస శ్వాసక్రియ
2) మొప్పలు
3) బొద్దింక, మిడుత
4) చర్మము

ప్రశ్న 14.
మానవునిలో లింగ నిర్ణయ ప్రక్రియను వివరింపుము.
జవాబు:

1. శిశువు నిర్ధారణకు మగవారే కారణము.
2. మగవారు XY అనే లింగ నిర్ధారణ క్రోమోజోమ్స్ కలిగి ఉంటారు.
3. ఆడవారు XX అనే లింగ నిర్ధారణ క్రోమోజోమ్స్ కలిగి ఉంటారు.
4. కావున పురుష సంయోగబీజాలు X లేదా Y క్రోమోజోమ్స్ కలిగి ఉంటే, స్త్రీ సంయోగబీజాలు మాత్రం X క్రోమోజోమ్స్ కలిగి ఉంటాయి.
5. స్త్రీ సంయోగబీజం (X) తో పురుష X క్రోమోజోమ్ కలిగిన సంయోగబీజం కలిస్తే సంయుక్తబీజం XX క్రోమోజోమ్స్ కలిగి ఆడశిశువు ఏర్పడుతుంది.
6. స్త్రీ సంయోగబీజం (X) తో పురుష Y క్రోమోజోమ్ కలిగిన సంయోగబీజం కలిస్తే సంయుక్తబీజం XY క్రోమోజోమ్స్ కలిగి మగశిశువు ఏర్పడుతుంది.
7. దీనిని బట్టి ఆడ, మగ వ్యత్యాసం స్త్రీ సంయోగబీజంతో కలిసే పురుష సంయోగబీజంపై ఆధారపడి ఉంటుంది.

ప్రశ్న 15.
మొక్కలలో పెరుగుదలను సాధించుటకు ఫైటోహార్మోన్లు ఒకదానికొకటి సహకరించుకుంటాయి / వ్యతిరేకిస్తాయి. ఈ జ్ఞానము నీవు నిత్యజీవితంలో ఎలా ఉపయోగించుకుంటావు ?
జవాబు:

1. మొక్కలలో సమన్వయం చేయడానికి విడుదలయ్యే రసాయనిక పదార్థాలను ఫైటోహార్మోన్లు అంటారు.
2. ఆక్సిన్, జిబ్బరెల్లిన్, సైటోకైనిన్, ఇథిలీన్లు పెరుగుదలను ప్రోత్సహిస్తాయి. కాని అబ్సైసిక్ ఆమ్లం పెరుగుదలను నిరోధిస్తుంది.
3. కాండం, వేర్లు, పార్శ్వకోరకాలు పెరుగుదల, కణాల విభేదనం, కణ విభజన పొడవు పెరగడం, ఫలాలు పక్వస్థితికి రావడం పెరుగుదలను ప్రోత్సహిస్తాయి.
4. అబ్ సైసిక్ ఆమ్లం సుప్తావస్థను ప్రోత్సహించడం, ఆకులు రాలే విధంగా చేయడం వలన పెరుగుదల ఆగుతుంది.
5. పెరుగుదల, నియంత్రణను నిత్య జీవితంలో మనం ఉపయోగించుకుంటూ పనులను సమన్వయంతో చేసుకోవాలి.

విభాగము – IV 2 × 8 = 16 మా.

సూచనలు :

1. అన్ని ప్రశ్నలకు సమాధానములు వ్రాయుము.
2. ప్రతి ప్రశ్నకు 8 మార్కులు.
3. ప్రతి ప్రశ్నకు అంతర్గత ఎంపిక కలదు.

ప్రశ్న 16.
ఎ)మొక్కలలో గల వివిధ రకాల అలైంగికోత్పత్తి పద్ధతులు ఏవి ? ఉదాహరణలతో వాటిని వివరించండి.
జవాబు:
అలైంగికోత్పత్తి : సంయోగబీజాల కలయిక లేకుండా, కేవలం ఒక జనకజీవి ప్రమేయంతోనే జరిగే ప్రత్యుత్పత్తిని “అలైంగిక ప్రత్యుత్పత్తి” అంటారు. దీనిలో క్రింది రకాలు కలవు.

1. విచ్ఛిత్తి : ఒక జీవి కణ విభజన ద్వారా, రెండుగా విడిపోవడాన్ని “ద్విధావిచ్ఛిత్తి” అని, అంతకంటే ఎక్కువ భాగాలుగా విడిపోతే, దానిని “బహుధావిచ్ఛిత్తి” అని అంటారు. ఉదా : పారమీషియం
2. కోరకీభవనం : ఒక జీవి శరీరం నుండి అవే పోలికలతో ఉన్న నిర్మాణం బయటకు పెరుగుతాయి. అది జనక జీవి నుండి వేరై స్వతంత్రంగా జీవిస్తుంది. ఈ ప్రక్రియను “కోరకీభవనం” అంటారు. ఉదా : ఈస్ట్
3. ముక్కలగుట : కొన్ని జీవులు ప్రమాదవశాత్తు, తెగిపోయి, శరీర ఖండాల నుండి పూర్తి జీవిగా పెరుగుతాయి. ఈ ప్రక్రియలో శరీరంలోని ఏ ఖండమైనా మొత్తం శరీరాన్ని ఏర్పరుస్తుంది. ఉదా : స్పైరోగైరా, చదునుపురుగులు
4. అనిషేక ఫలాలు : ఫలదీకరణం జరగకపోయినా అండం పిల్ల జీవులుగా ఎదగటాన్ని ‘పార్థినోజెనెసిస్’ అంటారు. దీని వలన మొక్కలలో విత్తన రహిత కాయలు ఏర్పడతాయి. ఉదా : తేనెటీగలు, చీమలు
5. పునరుత్పత్తి : పూర్తిగా విభేదనం చెందిన అనేక జీవులు తమ శరీరఖండాల నుండి నూతన జీవిని ఇచ్చే సామర్థ్యాన్ని “పునరుత్పత్తి” అంటారు. ఉదా : ప్లనేరియా, స్పంజికలు
6. శాఖీయ ప్రత్యుత్పత్తి : కొన్ని మొక్కలు శాఖీయ భాగాలైన వేరు, కాండం, పత్రం వంటి శాఖీయ భాగాల నుండి కొత్త మొక్కలను ఏర్పరుస్తాయి. దీనిని “శాఖీయోత్పత్తి” అంటారు. ఉదా : మందార, రణపాల

(లేదా)
బి) క్రింది వాని మధ్య గల భేదాలను తెల్పుము.
i) బోలస్ (ఆహారపు ముద్ద) మరియు కైమ్

బోలస్	కైమ్
1. నోటిలో ఏర్పడిన ముద్దను “బోలస్” అంటారు.	1. పాక్షికంగా జీర్ణమైన ఆహారాన్ని “కైమ్” అంటారు.
2. ఇవి లాలాజలంతో కలిసి ఏర్పడుతుంది.	2. ఇది జీర్ణరసాల చర్య వలన ఏర్పడుతుంది.
3. ఘనస్థితిలో ఉండే ముద్ద వంటి నిర్మాణము.	3. ద్రవస్థితిలో ఉండే ఆహారపదార్థం.
4. ఆహార వాహిక ద్వారా జీర్ణాశయం చేరుతుంది.	4. సంవరిణీ కండరము ద్వారా ఆంత్రమూలాన్ని చేరుతుంది.
5. లాలాజల ప్రభావం వలన క్షారయుతంగా ఉంటుంది.	5. జఠర రస ప్రభావం వలన ఆమ్లయుతంగా ఉంటుంది.

ii) చిన్న ప్రేగు మరియు పెద్ద ప్రేగు

చిన్నప్రేగు	పెద్దప్రేగు
1. ఇది జీర్ణాశయం తరువాత భాగం.	1. జీర్ణవ్యవస్థలో చిన్నప్రేగు, పెద్దప్రేగుగా కొనసాగించబడుతుంది.
2. పరిమాణం చిన్నదిగా ఉంటుంది.	2. పరిమాణం పెద్దదిగా ఉంటుంది.
3. ఎక్కువ పొడవు కలిగి ఉంటుంది.	3. పొడవు తక్కువగా ఉంటుంది.
4. మెలి తిరిగి చుట్టుకొని ఉంటుంది.	4. చతురస్రాకారంలో అమరి ఉంటుంది.
5. పాక్షిక జీర్ణక్రియ జరుగుతుంది.	5. జీర్ణక్రియ జరగదు.
6. ఆహార పదార్థాల శోషణ దీని ప్రధానవిధి.	6. నీటి పునఃశోషణ దీని ప్రధానవిధి.
7. జీర్ణం కాని పదార్థాలను పెద్దప్రేగుకు చేర్చుతుంది.	7. జీర్ణం కాని పదార్థాలను మలం రూపంలో విసర్జిస్తుంది.

ప్రశ్న 17.
ఎ)ఆకులలో పిండి పదార్థపు ఉనికిని నిర్ణయించు ప్రయోగ విధానమును వ్రాయుము.
జవాబు:
కావలసిన పరికరాలు : త్రిపాది, బీకరు, నీరు, మిథైలేటెడ్ స్పిరిట్, పరీక్షనాళికలు, అయోడిన్ ద్రావణం, పెట్రిడిష్, డ్రాపర్, బున్సెన్ బర్నర్.

ప్రయోగ విధానం :

1. కుండీలో పెరుగుతున్న ఏదైనా మొక్క నుండి ఒక ఆకును తీసుకోండి. ఆ ఆకు మెత్తగా పలుచనదై ఉండాలి.
2. బొమ్మలో చూపిన విధంగా ప్రయోగానికి కావలసిన పరికరాలను సిద్ధం చేసుకోండి.
3. పరీక్షనాళికలో మిథైలేట్ స్పిరిట్ను తీసుకొని అందులో ఆకును ఉంచండి.
4. పరీక్షనాళికను నీరు కలిగిన బీకరులో ఉంచి వేడి చేయండి.
5. వేడి చేసినపుడు ఆకులోని పత్రహరితం (Chlorophyll) తొలగించబడుతుంది. అందువల్ల ఆకు లేత తెలుపు రంగులోకి మారుతుంది.
   ఫలితం : ఆకు ముదురునీలం రంగులోకి మారినది.
   గ్రహించినది : ఆకులలో పిండిపదార్థం ఉంటుందని గ్రహించితిని.
   (లేదా)

బి) శ్వాసక్రియలో ఉష్ణం విడుదలగునని నిరూపించుటకు ఎటువంటి ప్రయోగమును నీవు సూచిస్తావు ?
జవాబు:
పరికరాలు : మొలకెత్తిన గింజలు, థర్మాస్ ప్లాస్కు, థర్మామీటరు, బిరడా. ప్రయోగ విధానం :

1. మొలకెత్తిన గింజలను ఒక థర్మాస్ ప్లాస్కులో తీసుకోవాలి.
2. బిరడాను తీసుకొని రంధ్రం చేసి దాని గుండా థర్మామీటరును అమర్చాలి. థర్మామీటరు నొక్కు మొలకెత్తిన గింజలలో మునిగి ఉండేలా జాగ్రత్తపడాలి.
3. థర్మాస్ ఫ్లాసున్న బిరడాతో బిగుతుగా బిగించాలి.
4. ప్రతి రెండు గంటలకు థర్మామీటరులో ఉష్ణోగ్రత నమోదు చేయాలి.
5. మంచి ఫలితాల కొరకు 24 గంటలు పరిశీలించాలి.
   పరిశీలన : ప్రతి రెండు గంటలకు నమోదు చేసిన ఉష్ణోగ్రతలో పెరుగుదల కన్పించింది.
   పరికల్పన : ఈ ప్రయోగం పొడి విత్తనాలలో నిర్వహిస్తే ఉష్ణోగ్రతలో ఎటువంటి మార్పు ఉండకపోవచ్చు.

జాగ్రత్తలు :

1. థర్మామీటరు బల్బు మొలకెత్తిన గింజలలో మునిగి ఉండేలా జాగ్రత్త తీసుకోవాలి.
2. ప్లాస్కులోనికి గాలి చొరబడకుండా చూడాలి.